Parkinq zamanı bu səhvə yol verənlər avtomobilin ömrünü qısaldır – SÜRÜCÜLƏRƏ XƏBƏRDARLIQ

Avtomobili park etmək sadə bir hərəkət kimi görünsə də, əslində düzgün yerinə yetirilmədikdə avtomobilin ömrünü azalda və ciddi nasazlıqlara səbəb ola bilər. 

Avtosfer.az xəbər verir ki, İspaniyanın tanınmış mexaniki sürücülərin parkinq zamanı buraxdığı ümumi səhvləri açıqlayaraq xəbərdarlıq edib.

Mütəxəssisin sözlərinə görə, ən çox edilən səhvlərdən biri dayanacaq əyləcini çəkmədən avtomobili sürət qutusunda saxlamaqdır. Bu, ötürmə sisteminə və transmissiyaya artıq gərginlik salır. Xüsusilə avtomatik transmissiyalı avtomobillərdə bu, “P” rejimindəki bağlama sancağının zədələnməsinə və bahalı təmirə gətirib çıxara bilər.

Digər geniş yayılmış səhv isə təkərləri tam döndərilmiş vəziyyətdə saxlamaqdır. Mütəxəssis bildirir ki, bu vəziyyət dar küçələrdə təkərin və sükan sisteminin zədələnməsi riskini artırır. Həmçinin avtomobili bordürə çıxarmaq və ya təkəri bordürə sıxmaq təkərlərin deformasiya olmasına və partlama təhlükəsinə səbəb ola bilər.
Mexanik həmçinin avtomobilin uzun müddət hərəkətsiz qalmasının da təhlükəli olduğunu deyib. Bu halda həm batareya boşalır, həm də asma sistemindəki rezin hissələr sərtləşərək deformasiyaya uğrayır.

Mütəxəssis son olaraq xəbərdarlıq edib ki, avtomobili yuduqdan və ya güclü əyləcdən dərhal sonra park əyləcini çəkmək olmaz. Çünki nəm əyləc diskləri soyuyarkən pas bağlaya və yastıqlar disklərə “yapışa” bilər.

Parkinq zamanı hər zaman dayanacaq əyləcindən istifadə etsinlər, təkərləri düz vəziyyətdə saxlasınlar və avtomobillərini uzun müddət hərəkətsiz buraxmasınlar.

Eltac Zülfüqaroğlu