Parkinq zamanı sürücülərin etdiyi bu səhv qəzaya səbəb olur - VİDEO

Qəza əleyhinə kursların məşqçisi Aqil Rəhimov dayanacaqlarda tez-tez rast gəlinən bir vəziyyətə diqqət çəkib və bildirib ki, sürücülər belə məkanlarda da yol hərəkəti qaydalarının eyni tətbiq olunduğunu unutmamalıdırlar.

Avtosfer.az xəbər verir ki, onun sözlərinə görə, yaxın günlərdə parkinqdə baş verən toqquşma zamanı sürücülər uzun müddət günahın kimdə olması ilə bağlı mübahisə ediblər. Aqil Rəhimov bu kimi mübahisələrin səbəbinin əsasən qaydaların düzgün bilinməməsindən qaynaqlandığını deyib.

Məşqçi xüsusilə yeni sürücülərə xatırladıb ki, dayanacaqlarda nişanlar quraşdırılmayıbsa, burada da “sağ əlin qaydası” keçərlidir. Yəni, üstünlüyü göstərən nişanlar yoxdursa, sağdan gələn sürücünü buraxmaq lazımdır. O qeyd edib ki, sağdan gələn nəqliyyat vasitəsinə yol verilmədiyi üçün dayanacaqlarda belə qəzalar tez-tez baş verir.

Aqil Rəhimov sürücülərə diqqətli olmağı, xüsusən də qapalı və dar məkanlarda hərəkət edərkən sağa baxmağı, manevrləri ehtiyatla etməyi tövsiyə edib:
“Sağdan gələn sürücünü buraxmaq lazımdır ki, qəzaya düşməyəsiniz”, – deyə o vurğulayıb.

Eltac Zülfüqaroğlu