Sağ tərəfi uçurum olan yollarda ötmə əməliyyatı necə həyata keçirilməlidir? - VİDEO

Yolda ötmə manevri edərkən diqqətli olmaq sürücülərin təhlükəsizliyi üçün vacibdir. Xüsusilə də yolun bir tərəfində uçurum və ya dərə olduğu ərazilərdə bu qaydaya daha ciddi əməl olunmalıdır.

Avtosfer.az xəbər verir ki, bu barədə qəza əleyhinə kursların məşqçisi Aqil Rəhimov sürücülərə müraciət edib. Onun sözlərinə görə, sürətli yollarda sürücülər ötmə etməzdən əvvəl mütləq güzgülərə baxmalı və qarşı zolağın vəziyyətini diqqətlə qiymətləndirməlidirlər.

Aqil Rəhimov bildirib ki, bəzi sürücülər qarşıdakı avtomobili ötüb keçmək üçün tələsir və bu vaxt arxadan sürətlə gələn nəqliyyat vasitələrini nəzərə almırlar. Belə vəziyyətdə ötməyə başlayan sürücü iki avtomobilin arasında qala və qəza riski ilə üzləşə bilər.

Şəbnəm Tovuzlunun qızı bu görüntülərə görə CƏZALANDIRILDI - VİDEO

Ekspert xüsusilə uçurum və dərə olan yollarda daha ehtiyatlı olmağın vacibliyini vurğulayıb. Onun sözlərinə görə, belə yerlərdə baş verən qəzalar daha ağır nəticələrlə müşayiət oluna bilər.

Aqil Rəhimov sürücülərə tələsməməyi, ötmə manevrindən əvvəl yolun vəziyyətini düzgün qiymətləndirməyi və yalnız tam təhlükəsiz olduğuna əmin olduqdan sonra bu manevri etməyi tövsiyə edib. O qeyd edib ki, yol hərəkətində əsas prinsip təhlükəsizlikdir və sürücülər özlərini qorumaq üçün hər zaman diqqətli davranmalıdırlar.

Eltac Zülfüqaroğlu