Sükan arxasında telefonla danışmağa hansı halda cərimə yazılır? – Qanun nə deyir? - VİDEO

Sürücülərin avtomobil idarə edərkən mobil telefondan istifadəsi ilə bağlı qanunda konkret tələblər müəyyən edilib.

Bəs hansı hallarda sürücüyə telefonla danışmağa görə cərimə tətbiq olunur?

Avtosfer.az xəbər verir ki, nəqliyyat eksperti Rüfət Əmiraslanov sürücülərin bu məsələ ilə bağlı diqqət etməli olduğu məqamlara aydınlıq gətirib.

Ekspert bildirib ki, qanunvericiliyə əsasən, avtomobil hərəkətdə olarkən mobil telefonu əldə saxlamaqla ondan istifadə etmək inzibati məsuliyyət yaradır. Bu halda sürücüyə 50 manat məbləğində cərimə tətbiq edilir.

Rüfət Əmiraslanov qeyd edib ki, mobil telefonun istifadəsi ilə bağlı cərimənin tətbiqi üçün əsas məqamlardan biri onun sürücünün əlində saxlanılması və avtomobilin hərəkətdə olmasıdır.

“Məlumat üçün qeyd edim ki, burada bir incə məqam var. Sürücü avtomobil hərəkətdə olan zaman telefondan əlində saxlamaqla istifadə edirsə, buna görə cərimə var. Amma telefonla danışmağa görə ümumi şəkildə cərimə nəzərdə tutulmayıb.

Məsələn, avtomobil dayandığı yerdə telefonla danışmağa görə cərimə yoxdur. Həmçinin qulaqcıqla danışmağa görə də cərimə yoxdur. Qanun konkret deyir ki, hərəkətdə olan zaman telefonda əlində saxlamaqla ondan istifadə etməyə görə cərimə 50 manatdır”, - deyə ekspert bildirib.

Eltac Zülfüqaroğlu