Sürücülərin NƏZƏRİNƏ! - Bu yola girsəniz 100 manat + 2 bal CƏRİMƏ OLUNACAQSIZ

Dəmirçizadə küçəsindən Qarabağ küçəsinə gedən yolda hərəkət qaydasında edilən dəyişiklik sürücülər arasında çaşqınlıq yaradıb.

Avtosfer.az xəbər verir ki, bu barədə görüntülər sosial şəbəkələrdə yayılıb.

Məlumata görə, əvvəllər düzünə hərəkət üçün istifadə olunan xətt ləğv edilib. Hazırda həmin istiqamətdə adi avtomobillərin hərəkəti məhdudlaşdırılıb və yol yalnız avtobusların hərəkəti üçün nəzərdə tutulub.

Lakin sürücülərin bir qisminin bu dəyişiklikdən xəbərsiz olduğu bildirilir. Nəticədə həmin yola daxil olan avtomobillərin sahiblərinə avtobus zolağına daxil olmağa görə cərimə 100 manat məbləğində və 2 cərimə balı tətbiq edilir.

İddialara görə, cəmi bir saat ərzində 50-dən çox sürücü bu səbəbdən cərimələnib./baku.ws