Bakıda bahalı nömrəli maşınla "oyun çıxaran" sürücü tapıldı və... - VİDEO

Bakıda qaydaları kobud şəkildə pozan sürücünün yayılmış görüntüləri ilə bağlı araşdırma aparılıb. Bu barədə Bakı şəhər Dövlət Yol Polisi İdarəsindən məlumat verilib. İdarənin bölmə rəisi, polis polkovniki Vaqif Əsədov Avtosfer.az-a açıqlamasında bildirib ki, manevr qaydalarını kobud şəkildə pozan sürücü müəyyən edilib. Belə ki, 1985-ci il təvəllüdlü Əsədov Rafət Qürbət oğlu pozduğu qaydaya uyğun olaraq İnzibati Xətalar Məcəlləsinin 327.1-ci maddəsi ilə məsuliyyətə cəlb edilib.

Xatırladaq ki, 10-HF-005 qeydiyyat nişanlı "Toyota" markalı avtomobilin sürücüsü dekabrın 7-də paytaxtın Ziya Bünyadov prospektində hərəkət edən zaman növbədə gözləməmək üçün öncə təhlükəsizlik adacığının üzərinə çıxıb. O, daha sonra qarşıdakı geriyə dönmə yerinə keçərək yenidən qaydaları pozub. Belə ki, avtomobili çəpəki saxlayan sürücü görüntünü qeydə alan avtomobilin yolunu kəsərək ondan qabağa keçib və daha sonra manevr qaydasını pozaraq hərəkətinə davam edib.

Fərid