Bakıda qorxulu anlar yaşadan taksi sürücüsü cərimələndi - VİDEO

Bakıda qorxulu anlar yaşadan taksi sürücüsü cərimələnib. Bu barədə Bakı şəhər Dövlət Yol Polisi İdarəsinin bölmə rəisi, polis polkovniki Vaqif Əsədov Avtosfer.az-a məlumat verib. Onun sözlərinə görə qəza şəraiti yaradan taksi sürücüsü Hüseynov Mahmud Malik oğlu  pozduğu qaydaya uyğun olaraq İnzibati Xətalar Məcəlləsinin 327.1-ci maddəsi ilə 40 manat məbləğində cərimə edilib.

Xatırladaq ki, paytaxtın Mehdi Mehdizadə küçəsindən sağa- Yusif Səfərov küçəsinə dönən sürücüyə, "Uber" taksi şirkətinə məxsus 77-BH-480 qeydiyyat nişanlı "Toyota Prius" markalı avtomobilin sürücüsü qəza şəraiti yaradıb: "Mən orta zolaqdan sağa dönən zaman, sağ zolaqdakı taksi sürücüsü sürəti qəfildən artırdı. Onun düzünə gedə biləcəyini düşündüyüm üçün sağa dönməmişdən öncə ehtiyatımı saxladım. Videodan da göründüyü kimi ehtimal etdiyim vəziyyət doğru çıxdı. Sürücü düzünə gedərək mənə qəza şəraiti yaratdı. Əgər orada diqqətsizlik etsəydim qəza qaçılmaz olacaqdı".

Təbriz