Yol polisi yanlış yazılmış protokola xitam verdi - VİDEO

18:05

Baş Dövlət Yol Polisi İdarəsinin şöbə rəisi, polis polkovnik-leytenantı Namidan Piriyev Avtosfer.az-a bildirib ki, sözügedən məsələ araşdırılıb və həqiqətən də yanlışlıq olduğu aşkarlanıb. Protokola xitam verilib. 

Yevlax-Kürdəmir yolunda radara düşən sürücü redaksiyamıza şikayət ünvanlayıb. 90-LE-283 qeydiyyat nişanlı “Mercedes” markalı avtomobilin sürücüsü İslam Əliyev bildirir ki, noyabrın 13-də sözügedən yolda sürət həddini aşmadan hərəkət edərkən onun yanından Penitensiar xidmətə məxus avtomobillər yüksək sürətlə keçib. Lakin bir saatdan sonra telefonuna sms məlumatlandırma gələrək radara düşdüyü bildirilib. Foto və videoya baxan zaman məlum olub ki, hərəkət sürətini aşan operativ nəqliyyat vasitəsi sürücüləridir. Avtosfer.az xəbər verir ki, sürücünün qayda pozmaması avtomobildə olan kameraya düşmüş görüntülərdə öz əksini tapıb.

İslam Əliyev barəsində düzgün tərtib edilməmiş cərimənin ləğv olunmasını xahiş edir.

Fərid