Ötmə zamanı “Kia” “Renault”la toqquşdu: 3 uşaq, 9 yaralı - FOTO

Ukraynanın Zakarpat əyalətində iki nəqliyyat vasitəsinin iştirakı ilə ağır yol-nəqliyyat hadisəsi baş verib. Avtosfer.az xəbər verir ki, bu barədə yanvarın 20-də Ukraynanın milli polisinin mətbuat xidməti məlumat verib.

Məlumata görə, 32 yaşlı Çop şəhər sakini idarə etdiyi “Kia Rio” markalı avtomobillə, ötmə əməliyyatını yerinə yetirən zaman əks zolaqdan gələn “Renault" markalı minik maşını ilə toqquşub.

Nəticədə “Kia Rio”nun sürücüsü, onun ikisi yeniyetmə olmaqla 3 sərnişini və “Renault”da olan 1-i uşaq 5 nəfər xəsarət alıb. Yaralılar, hadisə yerinə gələn “təcili tibbi yardım” briqadasının köməkliyi ilə xəstəxanaya yerləşdiriliblər.

Polis faktla bağlı təhqiqatlara başlayıb.

Namiq Musayev