Pul qazanmağa çıxan taksi sürücüsü qorxulu anlar yaşatdı - VİDEO
Qaydalar 7 Dekabr 2021 20:07 Oxunub 7216
Pul qazanmağa çıxan taksi sürücüsü qorxulu anlar yaşatdı - VİDEO

Bakıda taksi sürücüsünün qəza şəraiti yaratması anbaan avtomobildəki kameraya qeyd olunub. Videogörüntünü redaksiyamızın elektron ünvanına göndərən sürücü bildirir ki, paytaxtın Mehdi Mehdizadə küçəsindən sağa- Yusif Səfərov küçəsinə dönən zaman, "Uber" taksi şirkətinə məxsus 77-BH-480 qeydiyyat nişanlı "Toyota Prius" markalı avtomobilin sürücüsü ona qəza şəraiti yaradıb: "Mən orta zolaqdan sağa dönən zaman, sağ zolaqdakı taksi sürücüsü sürəti qəfildən artırdı. Onun düzünə gedə biləcəyini düşündüyüm üçün sağa dönməmişdən öncə ehtiyatımı saxladım. Videodan da göründüyü kimi ehtimal etdiyim vəziyyət doğru çıxdı. Sürücü düzünə gedərək mənə qəza şəraiti yaratdı. Əgər orada diqqətsizlik etsəydim qəza qaçılmaz olacaqdı".

Qeyd edək ki, görüntünü qeydə alan sürücünün hərəkət etdiyi zolaqda düzünə və sağa, taksi sürücüsünün hərəkət etdiyi zolaqda isə yalnız sağa dönməni bildirən nişanlanma təşkil olunub. 

Təbriz

ŞƏRH YAZ
Ad

E-mail

Şərh