Qırmızı işıqda maşınların qarşısına çıxan sürücü CƏRİMƏLƏNDİ - VİDEO

Bakıda svetoforun qırmızı işığına məhəl qoymayan sürücü cərimələnib. Bakı şəhər Dövlət Yol Polisi İdarəsinin bölmə rəisi, polis polkovniki Vaqif Əsədov Avtosfer.az-a açıqlamasında bildirib ki, 90-ZY-898 qeydiyyat nişanlı "Mercedes" markalı avtomobilin sürücüsü törətdiyi qayda pozuntusuna görə İnzibati Xətalar Məcəlləsinin 327.2-ci maddəsi ilə 3 bal 60 manat məbləğində cərimə edilib.

Xatırladaq ki, 90-ZY-898 qeydiyyat nişanlı “Mercedes” markalı avtomobilin sürücüsü noyabrın 26-da paytaxtın Azadlıq prospektində hərəkət edərkən svetoforun qırmızı işığına məhəl qoymayaraq yolayrıcına daxil olub. Belə ki, Məsud Davudoğlu küçəsi istiqamətinə gedən sürücü sağdan və soldan gələn avtomobillərin qarşısına qəfildən çıxaraq onlara qəza şəraiti yaradıb. Təhlükə ilə üzləşən sürücülər vaxtında reaksiya verərək qəzadan yayına biliblər.

Təbriz