Şəhərin mərkəzi küçəsində iki zolaq zəbt olunur -  tıxac yaranır - FOTO

Tıxaca səbəb olan hal Bakının Yasamal rayonunda qeydə alınıb. Avtosfer.az xəbər verir ki, paytaxtda yerləşən 18 nömrəli məktəbin qarşısı, Şıxəli Qurbanov küşəsində uşaqlarını məktəbdən götürmək üçün gələn valideynlər üç zolaqlı yolda iki zolağı zəbt edərək tıxaca səbəb olurlar. Bu vəziyyət isə digər sürücülərin etirazına səbəb olur.

Qeyd edək ki, yol polisi əməkdaşları  paytaxt ərazisində yerləşən məktəblərin qarşısında mütəmadi olaraq reyd aparır. Lakin görünən odur ki, sürücülər bundan heç bir nəticə çıxarmır. Sürücülərin rahatlıqları üçün etdiyi bu hərəkət özlərinin də gecikmələrinə səbəb olur.

Nəzrin