Xırdalanda səki zəbt olundu; çətinliyə düşən piyada 102-yə zəng etdi - FOTO

Xırdalanda səkiyə yük boşaldan şəxslər piyadaların hərəkətini çətinləşdirib. Avtosfer.az xəbər verir ki, 50-AE-937 qeydiyyat nişanlı "İsuzu" markalı yük avtomobilinin sürücüsü və sərnişini Xırdalan şəhəri Mehdi Hüseynzadə küçəsindəki "Yaşıl Market"ə gətirdikləri içkiləri səkiyə yığıblar. Səki zəbt olunduğu üçün piyadalar yolun hərəkət hissəsiylə getməli olub. 

Məsələylə bağlı redaksiyamıza müraciət edən oxucu iddia edir ki, həmin vaxt səkinin zəbt olunması ilə bağlı yükü boşaldan şəxslərə nəzakətli şəkildə irad bildirib. Lakin avtomobildən yükü boşaldan şəxs "bu ölkədə qanun var?"- deyərək etdiyi əmələ haqq qazandırmağa çalışıb. 
O, bildirdiyi irada reaksiya verməyən şəxslərin hərəkətindən Daxili İşlər Nazirliyinin 102 qaynat xəttinə şikayət edib.

Fərid