“07” aşdı - Sürücü yaralandı

Bu gün səhər saat 7:10 radələrində İmişli-Beyləqan avtomobil yolunun Bəhramtəpə platinası ərazisində yol qəzası baş verib. Avtosfer.az report-a istinadən xəbər verir ki, nəticədə bir nəfər yaralanıb. Belə ki, Cəbrayıl rayon sakini, 22 yaşlı Yasin Şəmkir oğlu Abbasov idarə etdiyi "VAZ-2107" markalı avtomobillə hərəkətdə olarkən idarəetməni itirərək yolun kənarına aşıb. Nəticədə Yasin Abbasov müxtəlif dərəcəli bədən xəsarətləri alıb. Yaralı dərhal İmişli Rayon Mərkəzi Xəstəxanasına çatdırılıb. Faktla bağlı araşdırma aparılır.