17 yaşlı yeniyetmə "07"-ni rəsmən uçurdu - Vəziyyəti ağırdır

Hacıqabulda baş verən avtoqəzada 17 yaşlı sürücü ağır xəsarət alıb. Avtosfer.az-ın APA-ya istinadən verdiyi məlumata görə, saat 23.30 radələrində Hacıqabul-Şirvan magistralının 1-ci kilometrliyində ağır avtoqəza baş verib. Hacıqabul rayon sakini, M.Hüseynzadə küçəsi, 9 ünvanında yaşayan 1998-ci il təvəllüdlü Abbasov Abbas Rasim oğlu idarə etdiyi "VAZ 2107" markalı 44 BN 280 dövlət nömrə nişanlı avtomobili yüksək sürətlə körpünün beton dirəyinə çırpıb. Nəticədə avtomobilin sürücüsü ağır kəllə-beyin travması və müxtəlif dərəcəli bədən xəsarətləri ilə Şirvan şəhər xəstəxanasının reanimasiya şöbəsinə yerləşdirilib. Həkimlər xəstənin vəziyyətini ağır qiymətləndirir. Faktla bağlı Hacıqabul polis şöbəsində araşdırma aparılır.