Ağstafa sakinini avtomobil vurub

Ağstafada piyadanın vurulması ilə nəticələnən yol qəzası baş verib. Avtosfer.az-ın APA-ya istinadən məlumatına görə, hadisə Bakı-Qazax magistral yolunun rayonun Qırlı kəndindən keçən hissəsində qeydə alınıb. 1969-cu il təvəllüdlü Ələsgərov Ələsgər Eynulla oğlu yolu keçmək istəyən zaman onu maşın vurub. Yaralı dərhal xəstəxanaya yerləşdirilib. 51 yaşlı kişinin vəziyyətinin kafi olduğu bildirilir. Hadisə yerinə DYP əməkdaşları cəlb olunub.

Faktla bağlı araşdırma aparılır.