Avtobus qəzasında 4 məktəbli ölüb, 12-si yaralanıb

Hindistanın şimalındakı Uttar-Pradeş ştatının Barabanki rayonunda məktəb avtobusunun aşması nəticəsində dörd uşaq ölüb, 12-si yaralanıb.

“Azərtac” xəbər verir ki, avtobusun sürücüsü motosikletlə toqquşmadan yayınmağa cəhd edərkən idarəetməni itirərək aşıb.

Qəza zamanı avtobusda 40-a yaxın məktəblinin və altı müəllimin olduğu bildirilir. Yerli polisin məlumatına görə, yaralılar yaxınlıqda yerləşən tibb müəssisələrinə çatdırılıb.

Hadisə ilə bağlı araşdırma aparılır.