Avtobus yarğana aşdı, 7 nəfər ölüb, 11 nəfər xəsarət alıb

Kolumbiyanın Kundinamarka departamentində turist avtobusunun yarğana aşması nəticəsində azı 7 nəfər ölüb,  11 nəfər xəsarət alıb. Avtosfer.az rianovosti agentliyinə istinadən verdiyi məlumata görə, avtobusda ekskursiyadan qayıdan 30-a yaxın kollec tələbəsi olub.

Qəzanın başvermə səbəbləri barədə məlumat verilmir. Şahidlərin sözlərinə görə, sürücü avtobusu yüksək sürətlə idarə edib, təhlükəli manevrlərə yol verib.

Qeyd edək ki, dekabrın 14-də Argentinanın Salta əyalətində jandarma avtobusunun yarğana yuvarlanması nəticəsində 43 nəfər ölüb.