Avtomobil gölə düşdü, 5 nəfər öldü - FOTO

Rusiyanın Krasnoyarsk diyarında 5 nəfər yol qəzasında ölüb.

Avtosfer.az bildirir ki, qəza Şuşenski rayonunda, Kaptırevo kəndi yaxınlığında baş verib. Yerli sakinlər gölməçədən “Toyota” markalı avtomobil tapıblar.

İlkin versiyaya görə, avtomobil magistral yolda sürüşüb və sürücü idarəetməni itirib. Yaxınlıqdakı gölməçəyə düşən avtomobilin sürücüsü və 4 sərnişini boğularaq ölüb.

Hadisə yerindən üç qadın və iki kişinin meyiti çıxarılıb.

lent.az