Avtomobil hasara çırpılıb, sürücü ölüb

Zaqatalada ölümlə nəticələnən yol-nəqliyyat hadisəsi baş verib. Avtosfer.az xəbər verir ki, bu barədə Rayon Polis Şöbəsindən APA-nın Şəki-Zaqatala bürosuna verilən məlumata görə, dekabrın 10-u saat 23.00 radələrində rayonun Qımır kəndi ərazisində kənd sakini ,1965-ci il təvəllüdlü Şahid Xəmməd oğlu Ramazanov idarə etdiyi “VAZ 21074” markalı 62 BE 601 dövlət nömrə nişanlı minik avtomobil idarəetmədən çıxaraq, yolun kənarındakı tövlənin hasarına çırpılıb. Ağır bədən xəsarətləri alan sürücü hadisə yerində ölüb.

Faktla bağlı araşdırma aparılır.