Azərbaycanda dəhşətli qəza: TIR yandı, 3 nəfər öldü - VİDEO

Astarada baş verən dəhşətli qəza ilə bağlı ətraflı məlumat verilib. Fövqəladə Hallar Nazirliyinin mətbuat xidmətindən BAKU.WS-ə bildirildi ki, FHN-in “112” qaynar telefon xəttinə Ələt-Astara yolunun 201-ci kilometrliyində avtomobil yanması barədə məlumat daxil olub. FHN -in yanğından mühafizə və Cənub Regional Mərkəzinin xilasetmə qüvvələri məlumatla əlaqədar dərhal hadisə yerinə cəlb olunub. Hadisə yerində əməliyyat şəraiti qiymətləndirilərkən Rusiya Federasiyaaı vətəndaşı Abulaşov Maqomedemin Mamatqeeviç tərəfindən idarə olunan "DAF" markalı T767ET05 Rusiya Federasiyası dövlət qeydiyyat nişanlı yük (TIR) avtomobilinin Əliyev Mirzəmməd Elman oğluna məxsus "BMW" markalı dövlət qeydiyyat nişanlı minik avtomobili ilə toqquşması nəticəsində yanğınla nəticələnən yol qəza hadisəsi baş verib. Nəticədə "BMW" markalı minik avtomobilinin yanar hissələri və qismən “DAF” markalı yük avtomobilinin 1 ədəd arxa sol təkəri yanıb. Yanğın yanğından mühafizə bölmələri tərəfindən qısa müddətə söndürülüb.

Hadisə nəticəsində 3 nəfər həlak olub.

Həlak olmuş şəxslərin sıxılmış meyitləri FHN qüvvələri tərəfindən çıxarılaraq aidiyyəti üzrə təhvil verilib.

***21:01

Bu gün günorta saatlarında Astarada dəhşətli yol qəzası baş verib.

Bu barədə hadisə şahidləri məlumat veriblər. Bildirilbi ki, qəza nəticəsində minik maşını yolda hərəkətdə olarkən idarəetməni itirib və TIR-a çırpılıb.

Fövqəladə Hallar Nazirliyinin mətbuat xidmətindən bildirildi ki, qəza nəticəsində yanğın baş verib.

Hadisə yerinə yanğınsöndürənlər cəlb olunub. Qəza nəticəsində 3 nəfər ölüb.Faktla bağlı araşdırma aparılır.