Bakı-Qazax yolunda qəza: “Mercedes” yük maşınına çırpıldı - VİDEO

Bakı-Qazax yolunun Hacıqabul rayonu ərazisindən keçən hissəsində yol-nəqliyyat hadisəsi baş verib.

Baş Dövlət Yol Polisi İdarəsindən Avtosfer.az-ın sorğusuna cavab olaraq bildirlib ki, hadisə aprelin 16-da saat 14:30 radələrində qeydə alınıb: “Belə ki, Quliyev Gündüzün idarə etdiyi 77-SM-462 dövlət nömrə nişanlı “Mercedes” markalı avtomobil, Hüseynov Mənsur Surxay oğlunun idarə etdiyi 77-QF-852 dövlət nömrə nişanlı “MAN” markalı yük maşınıyla toqquşub. Qəzaya səbəb “Mercedes” sürücüsünün idarəetməni itirməsi olub. Hadisə zamanı xəsarət alan olmasa da hər iki nəqliyyat vasitəsinə maddi ziyan dəyib”.

Qeyd edək ki, faktla bağlı araşdırma aparılır. 

Nərmin