Bakı-Sumqayıt yolunda toqquşan avtomobillərdən biri dərəyə yuvarlanıb - VİDEO

Bu gün səhər, təxminən saat 7 radələrində Bakı-Sumqayıt yolunun Saray Dövlət Yol Polisi postu ərazisindən keçən hissəsində yol-nəqliyyat hadisəsi baş verib.

Bu barədə oxu.az-a hadisə şahidləri məlumat veriblər.

Baş vermiş hadisə ilə bağlı sorğuya cavab olaraq, Baş Dövlət Yol Polis İdarəsi faktı təsdiqləyib.

Qeyd olunub ki, sözügedən ərazidə “Mercedes” markalı iki avtomobil toqquşub. Zərbə nəticəsində “Mercedes” markalı avtomobillərdən biri yol kənarındakı dərəyə yuvarlanıb. Digər maşın isə dəmir arakəsmənin üzərində ilişib qalıb. Ölüm faktı qeydə alınmayıb, bir nəfər xəsarət alıb. Hadisə yerinə DYP əməkdaşları və təcili tibbi yardım briqadası cəlb olunublar.

İlkin ehtimala görə, qəzaya səbəb yüksək sürət və səhv manevretmə olub.

Videonu təqdim edirik: