Bakıda iki avtomobil toqquşub, bir nəfər ağır xəsarət alıb

Nəsimi rayonunda bir nəfərin xəsarət almasına səbəb olan yol-nəqliyyat hadisəsi baş verib.

Qəza Çin səfirliyinin yaxınlığında qeydə alınıb. Səfirliyin yaxınlığında iki minik avtomobili toqquşub.

Nəticədə avtomobillərdən birinin sürücüsü, 1990-cı il təvəllüdlü Cəfərov Müşfiq Əfsər oğlu ağır xəsarət alıb. Yaralı 1 saylı şəhər xəstəxanasına yerləşdirilib.

Hadisənin təfərrüatı araşdırılır.