Bakıda motosiklet avtomobilə çırpılıb, xəsarət alan var

Bakıda motosiklet avtomobilə çırpılıb. Avtosfer.az “Report”a istinadən xəbər verir ki, hadisə Yasamal rayonunda qeydə alınıb. Mətbuat prospektində 21 yaşlı Səfərbəyov Tural Rüstəm oğlu motosikletlə hərəkətdə olarkən nəqliyyat vasitəsinə idarəetməni itirib. Nəticədə motosiklet arxadan minik avtomobilinə çırpılıb.

T.Səfərbəyov hadisə zamanı müxtəlif bədən xəsarətləri alıb. Yaralı təcili yardımın köməkliyi ilə xəstəxanaya çatdırılıb.

Faktla bağlı araşdırma aparılır.