Bakıda polisin təqib etdiyi maşın qəza törədib - FOTO

Bu gün saat 11:00 radələrində Bakıda Xətai rayonu, Sabit Orucov küçəsində avtomobil qəzası baş verib. Avtosfer.az xəbər verir ki, bu barədə "report"un hadisə yerində olan müxbirinin verdiyi məlumata görə, polisin təqib etdiyi, taksi fəaliyyəti ilə məşğul olan 90 KO 781 dövlət nömrə nişanlı "Opel" markalı avtomaşın 10 OZ 371 dövlət nömrə nişanlı "Lexus" markalı avtomobili arxadan vuraraq, qəza törədib. Hadisə nəticəsində hər iki avtomobilə ziyan dəyib.

Qeyd edək ki, hadisə şahidi olan təqaüdçü qadın baş vermiş qəzadan təsirlənərək, huşunu itirib. Ona kömək etmək üçün təcili yardım gəlib.