Bakıda sürücü sükan arxasında infarkt keçirdi, avtomobili işıq dirəyinə çırpdı

Bakının Sabunçu rayonunda ağır yol qəzası baş verib.

Hadisə Maştağa-Kürdəxanı şosesində qeydə alınıb.

1971-ci il təvəllüdlü Həsənov Abbas İsrail oğlu idarə etdiyi “VAZ-2107” markalı maşını işıq dirəyinə çırpıb. Avtomobilə yüngül zərər dəyib. Sürücü isə sükan arxasında ölü aşkarlanıb.

Əraziyə cəlb olunan Sabunçu Rayon Polis İdarəsinin əməkdaşları sürücünün meyidini müayinə olunması üçün Məhkəmə Tibbi Ekspertiza və Patoloji Anatomiya Birliyinin Sabunçu Rayon şöbəsinə təhvil verib. Ekspertlər müəyyən edib ki, sürücü qəza keçirmədən öncə infarkt keçirərək ölüb.

Fakt araşdırılır. (apa)