Cəlilabadda "Prado" yoldan çıxıb aşdı - FOTO

Cəlilabad rayonunun Soltankənd kəndi ərazisində yol-nəqliyyat hadisəsi qeydə alınıb.

Avtosfer.az Lent.az-a istinadla xəbər verir ki, məlumata görə, "Toyota Land Cruiser Prado" markalı minik avtomobili hərəkətdə olarkən sürücünün idarəetməni itirməsi nəticəsində yoldan çıxaraq aşıb.

Baş verən qəza zamanı xəsarət alan olmayıb, avtomobilə ciddi ziyan dəyib.

Faktla bağlı araşdırma aparılır.