Dayanacaqda partlayış: 4 nəfər xəsarət aldı - VİDEO

Rusiyanın paytaxtı Moskvada ictimai nəqliyyat dayanacaqlarının birində əldəqayırma bomba partlayıb. Avtosfer.az anspress-ə istinadən xəbər verir ki, hadisə Pakrovka küçəsində yerləşən evlərə yaxın bir yerdə baş verib. Dayanacaqda əldəqayırma qurğunun partlaması nəticəsində 4 nəfər xəsarət alıb. Sınan şüşələrin qəlpələri onların bədəninə girib. Yaralılar dərhal xəstəxanaya çatdırılıblar. 

Hadisə yerinə dərhal Rusiya Federasiyasının Fövqəladə hallar Nazirliyinin əməkdaşları cəlb olunub. Hələ ki, bombanın hansı səbəbdən və kimlər tərəfindən partladılması məlum deyil. 

İstintaq idarəsinin mətbuat xidmətinin rəhbəri Andrey Qaliəkbərovun verdiyi məlumata görə, əldəqayırma qurğu evlərə, maşınlara yaxın olduğu üçün onu ya maşın, ya da evin pəncərəsindən də ata bilərdilər. 

Qurum rəsmisinin sözlərinə görə hazırda məsələ ilə bağlı "Dələduzluq" maddəsi üzrə cinayət işi qaldırılıb, axtarış və şübhəlilərin tutulması üçün bütün lazımi tədbirlər görülür.