Dünənki qəzalarda 3 ölü, 7 yaralı

Dünən respublikanın avtomobil yollarında baş verən 6 yol-nəqliyyat hadisəsində 3 nəfər ölüb, 7 nəfər yaralanıb. Avtosfer.az DİN-in saytına istinadən xəbər verir ki, axşam radələrində Sabunçu rayonunun Məhəmmədi qəsəbəsində Bakı şəhər sakini Ayaz Abbasovun idarə etdiyi “VAZ-2107” və Tovuz rayon sakini Amin Əliyevin idarə etdiyi “Opel” markalı avtomobillər toqquşub. Nəticədə A.Abbasov və sərnişinləri olan 2 oğlu xəstəxanaya yerləşdirilib. Xəsarət alan Ramal xəstəxanada həyatını itirib.

Digər bir ölümlə nəticələnən yol-nəqliyyat hadisəsi isə səhər saatlarında Nizami rayonunun Q.Qarayev prospektində baş verib. Bakı şəhər sakini Vüqar Həziyev idarə etdiyi “Daewoo” markalı avtomobillə paytaxt sakini Xədicə Qasımovanı vurub. Qadın hadisə yerində ölüb.

Hər iki halla bağlı araşdırma aparılır.

Cavid