Goranboyda “07" və pikap toqquşub, ölən və xəsarət alanlar var - FOTO

Goranboyda baş verən qəzada ölən və xəsarət alanların kimliyi məlum olub.

Avtosfer.az-ın məlumatına görə, bu gün Goranboy-Ağcakənd avtomobil yolunun Zeyvə kəndindən keçən hissəsində Səfikürd kənd sakini 2003-cü il təvəllüdlü Bayramov Məhəmməd Talıb oğlunun idarə etdiyi “VAZ-2107” markalı 22-BL-409 dövlət qeydiyyat nişanlı avtomobil Qaradağ rayonunda qeydiyyatda olub Aşağı Ağcakənd qəsəbəsində müvəqqəti yaşayan 1995-ci il təvəllüdlü Hüseynzadə Vahid Mobil oğlunun idarə etdiyi 77-QA-567 dövlət qeydiyyat nişanlı pikapla toqquşub.

Qəza nəticəsində Məhəmməd Bayramov vəfat edib.

Onun maşınında olan digər sərnişinlər - Səfikürd kənd sakinləri 2001-ci il təvəllüdlü Allahverdiyev Mehman Aydın oğlu, 2001-ci il təvəllüdlü Babayev Uğur Ceyhun oğlu və 2001-ci il təvəllüdlü Allahyarov Məftun Namiq oğlu müxtəlif bədən xəsarətləri alaraq Goranboy rayon Mərkəzi Xəstəxanasına yerləşdirilib.

Pikapın sürücüsü və sərnişinlər - Qaradağ rayon qeydiyyatında olub Aşağı Ağcakənd qəsəbəsində müvəqqəti yaşayan 1980-ci il təvəllüdlü Hacıbabayev Samir Gülbaba oğlu, Qaraçinar kəndində müvəqqəti yaşayan 1971-ci il təvəllüdlü Qasımova Zəminə Rəfail qızı müxtəlif bədən xəsarətləri ilə Goranboy rayon Mərkəzi Xəstəxanasına yeləşdirilib.

***

Goranboyda avtomobillər toqquşub, ölən və xəsarət alanlar var.

Avtosfer.az-ın "Report"a istinadən məlumatına görə, hadisə rayonun Zeyvə kənd yolunda qeydə alınıb.

"VAZ-2107" və pikap tipli avtomobilin toqquşması nəticəsində 1 nəfər ölüb, daha bir neçə nəfər xəsarət alıb.

Zərərçəkənlər Goranboy Mərkəzi Rayon Xəstəxanasına çatdırılıb.

Faktla bağlı araşdırma aparılır.