Hərbi maşın TIR-a çırpıldı, 2 əsgər öldü

Türkiyədə hərbi avtomobil qəzaya düşüb.

Hadisə Konya-Adana yolunda baş verib. Hadisəyə səbəb qatı duman olub. Belə ki, hərbçiləri daşıyan avtomobil görmə məhdudiyyəti olduğu üçün qarşıda sürətini azaldan TIR-a çırpılıb.

Qəza nəticəsində avtomobildə olan 2 hərbçi dünyasını dəyişib, 2-i isə yaralanıb.

Məlumata görə, həmin TIR da qarşıdakı digər bir qəzaya görə, sürəti azaldıb.

Faktla bağlı araşdırma aparılır. (lent.az)