Heydər Əliyev prospektində yolunu azan “Jeep” avtomobili baxın necə sürtdü - VİDEO

Yola hökmranlıq edən “Jeep” öz zolağından çıxaraq sol tərəflə gedən avtomobili sürtüb keçdi.
Avtosfer.az xəbər verir ki, sosial şəbəkələrdə maraqla qarşılanan video Heydər Əliyev prospektində baş verib. Sürücü kamerasına tuş gələn görüntüdən aydın olduğu kimi qarşı tərəfdə düzgün istiqamət təyin edə bilməyən “Jeep Wrangler” markalı, 99-TT-737 dövlət nömrə nişanlı avtomobilin nəhəng təkərləri “Chevrolet Cruise” markalı maşına sürtərək məsafəsiz şəkildə hərəkət etməyə çalışıb. “Chevrole Cruise”nin sol tərəfini sürtən “Jeep” sürücüsü ona yüngül xəsarətlər endirib. Bir neçə saniyədən sonra manevr edərək avtomobilini mövcud vəziyyətdən çıxaran “Cruise”nin sürücüsü sol tərəfə çəkilərək yoluna davam edib, “Jeep” isə öz yolunda dayanaraq digər avtomobillərin hərəkətinə mane törətməkdə davam edib. 

Nərmin Əkbər