İmişlidə avtomobil su hövzəsinə aşıb, sərnişin ölüb

İmişli rayonunda ölümlə nəticələnən yol qəzası baş verib. Avtosfer.az-ın APA-ya istinadən məlumatına görə, hadisə rayonun Cəfərli kəndində qeydə alınıb. Avtomobil idarəetmədən çıxaraq su hövzəsinə aşıb. Nəticədə avtomobildə olan sərnişin, İmişli rayonunun Cəfərli kənd sakini, 1988-ci il təvəllüdlü Məmmədov Nicat Seyidəli oğlu hadisə yerində boğularaq ölüb.

Faktla bağlı araşdırma aparılır.