İşıq dirəyinə çırpılan avtomobil ikiyə bölündü

Bakıda ağır yol qəzası baş verib. Şahidlərin APA-ya verdiyi məlumata görə, hadisə bu gün saat 11.30 radələrində Heydər Əliyev prospektində qeydə alınıb. “Mercedes” markalı avtomobil idarəetməni itirərək yol kənarındakı işıq dirəyinə, sonra isə ağaca çırpılıb. Nəticədə avtomobil iki hissəyə bölünüb. Ölən və yaralananlar barədə məlumat yoxdur. Hadisə yerinə polis əməkdaşları çağırılıb.

Araşdırma aparılır.