İnsanları tank kimi əzib keçdi - Dəhşətli qəza - VİDEO

Qorxu filmi izləməyə gələn insanlar real qətliamın qurbanı və şahidi oldu.
Avtosfer.az xəbər verir ki, dəhşətli olay İspaniyanın paytaxtında yerləşən film binasının önündə cərəyan edib. Binanın müşahidə kamerasına anbaan düşən görüntüdən bəlli olduğu kimi filmə baxmağa gələn və bilet almaq üçün gözləyən bir qrup insan anidən gələn avtomobilin qurbanına çevrilib. Dal-dala sürətlə hərəkət edən sürücü arxasında dayanan insanları tam hədəfinə salmağı bacarıb. Belə ki, bir qisim insanı səkinin üstünə yıxan avtomobil, qalan qurbanlarını özüylə birlikdə binanın içinə salıb. Eyni anda 14 nəfəri caynağına keçirən sürücü onlardan beşinin həyatına son qoyub. Qalan 3 nəfər ağır xəsarətlərlə xəstəxanaya yerləşdirilib, vəziyyətləri orta hal kimi qiymətləndiriıib. Qalanları isə yüngül xəsarətlərlə qəzanın içindən çıxmağı bacarıblar. 
Faktla araşdırma zamanı sürücü avtomobilini park etmək istədiyini və anidən əyləcin funksiyasını itirərək sükanı buraxdığını qeyd edib.  

Nərmin Əkbər