“Kamaz” “VAZ”la toqquşdu: xəsarət alan var - Goranboyda

Goranboyda yol nəqliyyat hadisəsi baş verib. Avtosfer.az-ın APA-ya istinadən məlumatına görə, hadisə Bakı-Qazax magistral yolunun rayonun Nazikkənd kəndindən keçən hisssəsində qeydə alınıb. Belə ki, hərəkətdə olan “VAZ-2106” markalı minik avtomobili "KamAZ" markalı avtomobilə çırpılıb. Nəticədə 1 nəfər ağır xəsarət alıb. Yaralı xəstəxanaya aparılıb. Vəziyyətinin ağır olduğu bildirilir.