“KİA” səkidə piyadanı vurub mağazaya girdi; 4 nəfər xəsarət aldı - VİDEO

Minik avtomobili mağazaya çırpılıb. Avtosfer.az xəbər verir ki, Türkiyənin Adana bölgəsində baş verən hadisənin görüntüləri ərazidə olan kameraya düşüb.

Belə ki, Yüreğir rayonunda 24 yaşlı sürücünün idarə etdiyi 01-ANG-217 nömrə nişanlı “KİA” markalı minik avtomobili idarəetmədən çıxaraq əvvəlcə səki ilə gedən piyadanı vurub, daha sonra isə ərzaq mağazasına çırpılıb.

Qəza nəticəsində 4 nəfər xəsarət alıb. Yaralılar təcili yardım maşınları ilə xəstəxanaya aparılıblar.

Faktla bağlı araşdırma aparılır.

Sözügedən hadisənin anbaan videosunu təqdim edirik:

Namiq Musayev