Kürdəmirdə dərəyə düşən “07” yanaraq kül oldu - VİDEO

Kürdəmir rayonunun Atakişili kəndində ağır yol-nəqliyyat hadisəsi baş verib.
Avtosfer.az-ın məlumatına görə, hadisə aprelin 4-ü saat 12:00 radələrində qeydə alınıb. Belə ki, hərəkətdə olan “VAZ-2107” markalı avtomobil yoldan çıxaraq dərəyə düşüb. Qəza nəticəsində maşın elektrik dirəyinə çırpılıb və anidən alışıb.
Hadisə şahidlərinin iddiasına əsasən, qəzaya səbəb yüksək sürət həddi olub. Yanan avtomobilin qarşısını almaq mümkün olmayıb və o külə dönüb. Xoşbəxtlikdən sürücü ciddi xəsarət almayıb.

Hadisə yerinə Dövlət Fövqəladə Hallar Nazirliyinin Kürdəmir rayon Dövlət Yanğından Mühafizə Hissəsinin texnikası və canlı qüvvəsi cəlb olunub. Alovun ətraf ərazilərə keçməsinin qarşısı alınıb.
Faktla bağlı araşdırma aparılır. Videonu təqdim edirik:

Nərmin