Maşın körpüdən aşıb, xəsarət alan var

Bu gün Bakı-Quba yolunda yol-nəqliyyat hadisəsi baş verib. Avtosfer.az xəbər verir ki, bu barədə apa-nın şimal bürosunun verdiyi məlumata görə, magistralın 115-ci km-də, Siyəzən Gilgilçay qəsəbəsi ərazisindən keçən hissəsində Ağsu rayon sakini, 1976-cı il təvəllüdlü Şirinov Şahvələd Saməddin oğlunun idarə etdiyi “Ford” markalı avtomaşın körpüdən aşıb. Qəza nəticəsində sürücü müxtəlif bədən xəsarətləri ilə Siyəzən Regional Diaqnostika Mərkəzinə yerləşdirilib, vəziyyəti stabildir.

Faktla bağlı araşdırma aparılır.