Mingəçevirdə piyadanı vuran avtomobil başqa nəqliyyat vasitəsinə də çırpılıb

Mingəçevirdə piyadanı maşın vurub.

APA-nın Mingəçevir bürosunun məlumatına görə, hadisə M.Maqomayev küçəsində baş verib.

“VAZ” markalı avtomobil yolu keçən 1987-ci il təvəllüdlü piyada Axundov Afiq Akif oğlunu vuraraq ona xəsarət yetirib. Yaralı ətrafdakıların köməyi ilə xəstəxanaya aparılıb.

İlkin məlumata əsasən, qəza törədən avtomobil idarəetmədən çıxaraq “Mercedes” markalı minik maşınına da çırpılıb.

Faktla bağlı araşdırma aparılır.