Növbə gözləməyən sürücü qəza törətdi: “KIA” və “Mercedes” toqquşdu - VİDEO

Gəncədə avtomobillərin iştirakıyla yol-nəqliyyat hadisəsi baş verib.
Avtosfer.az-ın məlumatına görə, qəza dünən (14 dekabr) axşam saatlarında Bayraq meydanı yaxınlığında qeydə alınıb. Belə ki, 77-HY-586 dövlət nömrə nişanlı “KIA” markalı avtomobil, 90-ZJ-541 dövlət nömrə nişanlı “Mercedes” markalı maşına çırpılıb. İddialara əsasən, qəzaya səbəb nəqliyyat vasitələrinin növbəsiz hərəkət etməsi olub. Nəticədə hər iki avtomobilə maddi ziyan dəyib. Xoşbəxtlikdən sürücülər arasında xəsarət alan olmayıb.
Qeyd edək ki, sosial şəbəkələrdə geniş yayılmış qəza görüntüləri müzakirələrə səbəb olub. İzləyicilərin əksəriyyəti yolum düzgün şəkildə tənzimlənmədiyi üçün ərazidə tez-tez qəzanın baş verdiyini bildirib. 

Nərmin