Qaradağda bədbəxt hadisə: sərnişin avtobusdan yıxıldı, ağır xəsarət aldı

Qaradağ rayonunda avtobusdan enmək istəyən sərnişin ağır xəsarət alıb.

Hadisə Buta qəsəbəsində baş verib.

1980-ci il təvəllüdlü İsmayılov Elnur Cavad oğlu 126 saylı xətt üzrə hərəkət edən sərnişin avtobusundan düşmək istəyib. Bu zaman o, hərəkət etməyə başlayan avtobusdan yerə yıxılıb.

Yaralı 1 saylı şəhər xəstəxanasına yerləşdirilib. Ona açıq kəllə-beyin travması diaqnozu qoyulub. E.İsmayılovun vəziyyəti ağır qiymətləndirilir.

Faktla bağlı Qaradağ Rayon Polis İdarəsində araşdırma aparılır.