Qayda pozan “Prius” sürücüsü “BMW”ni vurub dəmir səddə çırpıldı - VİDEO

Bakı-Sumqayıt yolunda yol-nəqliyyat hadisəsi qeydə alınıb. Avtosfer.az-ın məlumatına görə, qəza aprelin 4-ü səhər saatlarında yolun Masazır qəsəbəsindən keçən hissəsində baş verib. 
Belə ki, “Bolt” taksi şirkətinə məxsus olan 77-HX-279 dövlət nömrə nişanlı “Toyota Prius” markalı maşın, 99-ON-905 dövlət nömrə nişanlı “BMW” ilə toqquşub. Hadisə şahidlərinin iddiasına görə, qəzaya səbəb “Prius” sürücüsünün sürət həddini aşması olub. 
Nəticədə idarəetmədən çıxan maşın əvvəlcə sol zolaqdakı “BMW”ni vurub, ardınca dəmir səddə çırpılıb. Hadisə zamanı sürücülər arasında xəsarət alan olmasa da, nəqliyyat vasitələrinə maddi ziyan dəyib.

Nərmin