Qazaxıstanda mikroavtobus yük avtomobili ilə toqquşub, 8 nəfər həlak olub

Qazaxıstanın Karaqanda vilayətində mikroavtobusun və yük avtomobilinin toqquşması nəticəsində 8 nəfər həlak olub, daha 9 nəfər yaralanıb.

Avtosfer.az xəbər verir ki, region polis departamentinin məlumatına görə, ötən gecə Almatı- Yekaterinburq yolunda Man markalı yük avtomobili Mercedes Sprinter markalı sərnişin avtobusu ilə toqquşub. Mikroavtobusda 17 nəfər olub. Qəza zamanı yeddi nəfər hadisə yerində, bir nəfər isə xəstəxanaya aparılarkən yolda ölüb. Yaralanan doqquz nəfər xəstəxanaya yerləşdirilib.

Polisin versiyasına görə, mikroavtobusun sürücüsü sükan arxasında yuxulayıb