Qum fırtınası Türkiyədə zəncirvari qəzaya səbəb olub

Türkiyənin Aksaray-Konya yolunda 7 avtomobilin iştirakı ilə zəncirvari qəza baş verib və 15 nəfər yaralanıb.

Avtosfer.az "Haber Global"a istinadən xəbər verir ki, Aksaray-Konya avtomobil yolunun Konya istiqamətində şiddətli qum fırtınası səbəbindən 2-si mikroavtobus olmaqla ümumilikdə 7 avtomobil zəncirvari qəzaya düşüb.

İlkin məlumatlara görə 15 nəfər xəsarət alıb. Yaralılar təcili yardım maşınları ilə Aksaray Tədris və Tədqiqat Xəstəxanasına yerləşdirilib.

Ərazidə xilasedicilər, jandarm və yanğınsöndürmə qruplarının işləri davam edir.