Şəhərin mərkəzində yük maşını ağaca çırpıldı: Yolda sıxlıq yarandı - FOTO

Hazırda paytaxtın Yasamal rayonu, Əbdürrəhim bəy Haqverdiyev küçəsi ilə Əhməd Cəmil küçəsinin kəsişməsində yol-nəqliyyat hadisəsi baş verib. Avtosfer.az xəbər verir ki, ilkin məlumata görə, yük avtomobilinin sürücüsü idarəetməni itirərək yol kənarındakı ağaca çırpılıb. Hadisə nəticəsində sözügedən küçədə sıxlıq yaranıb.

Bakı Şəhər Dövlət Yol Polisi İdarəsinin əməkdaşları dərhal hadisə yerinə cəlb olunublar. Onlar hərəkətin bərpası, yol hərəkəti iştirakçılarının təhlükəsizliyinin təmin edilməsi və yaranan tıxacın aradan qaldırılması istiqamətində müvafiq tədbirlər görürlər. Eyni zamanda, yol-nəqliyyat hadisəsinin dəqiq səbəblərinin müəyyən edilməsi üçün araşdırmalara başlanılıb.

Fərid