Şəmkirdə iki avtomobil toqquşub, 3 nəfər xəsarət alıb

Bakı-Qazax magistral yolunun Şəmkir rayonu ərazisindən keçən hissəsində yol-nəqliyyat qəzası baş verib. Avtosfer.az xəbər verir ki, bu barədə apa-nın qərb bürosunun verdiyi məlumata görə, magistral yolda “VAZ 2106” markalı avtomobilin “Mercedes” markalı avtomobillə toqquşması nəticəsində 3 nəfər müxtəlif bədən xəsarətləri alaraq Şəmkir Mərkəzi Rayon Xəstəxanasına yerləşdirilib. Onların vəziyyətlərinin normal olduğu bildirilir.

Faktla bağlı Baş Dövlət Yol Polisi İdarəsində araşdırma aparılır.