Şənbə gününün yol qəzaları: 2 ölü, 10 yaralı

Dekabrın 19-da Azərbaycanda baş vermiş yol qəzalarında 2 nəfər dünyasını dəyişib. Lent.az-ın məlumatına görə, şənbə günü ölkə yollarında ümumilikdə 10 yol-nəqliyyat hadisəsi baş verib. Nəticədə dünyasını dəyişən 2 nəfərdən başqa daha 10 nəfər də yaralanıb. Ölümlə nəticələnən qəzalar Naxçıvan MR Babək rayonunda və Sumqayıt şəhərində baş verib. Hər iki qəza nəticəsində piyadalar həyatını itirib. Hər bir fakt üzrə müvafiq araşdırmalar aparılır.