Suraxanıda qəza: Sürücü piyadanı vurmamaq üçün qəza törətdi - VİDEO

Bakının Suraxanı rayonunda yol-nəqliyyat hadisəsi baş verib.
Avtosfer.az-ın məlumatına görə, qəza bir neçə gün əvvəl axşam saatlarında qeydə alınıb. Videodan göründüyü kimi, 10-NL-301 dövlət nömrə nişanlı “Hyundai Santa Fe” markalı avtomobil qəzaya uğrayıb. Hadisə şahidlərinin iddiasına əsasən, qəzaya səbəb piyadanın qayda pozması olub. Belə ki, keçiddən istifadə etməyən orta yaşlı şəxs magistral yolla hərəkət edib. Bu zaman sürücü qəflətən yola çıxan piyadanı vurmamaq üçün öncə sola, sonra sağa manevr edib. Lakin o, piyadanı vurmaqdan yan keçsə də, avtomobilinə maddi ziyan vurub. 

Nərmin